一道素食主菜值幾錢？睇完呢間 café 嘅介紹你再決定吧！呢間素食 café「黑窗里」好有個性，沒有特定餐牌菜式，反而係每日喺 IG 出 post 公佈當日餐牌，同時喺 story post 菜式相片，而逢星期四至一嘅主菜之中會有一款由客人自由定價！
店內有點文青校園風格嘅裝修，木桌、學校椅子、黑板、貼滿海報，黑板也會寫上當日供應嘅菜式，有素、純素、五辛等，如選用本地食材也會標明。諗深一層其實咁先係最新鮮，利用當日嘅食材去製作餐單，而且選擇可不少甚至比一般café豐富。
雖然沒長期放餐牌嘅菜式，但café 運作及供應餐單嘅模式已非常有系統，逢星期四至一營業、星期三休息、星期二為輕食日。輕食日會有沙律、手工酸種麵包、甜點及飲品供應，雖說是輕食，但也幾乎等於一般供應食物嘅 café，像剛剛過去嘅星期二，手工酸種麵包可選配嘅醬料有中東鷹嘴豆醬、韭菜 pesto、本地紅皮花生醬等，也有已預設口味組合嘅 Open Toast 及沙律，例如有甜味組合藍莓、香蕉、米奶忌廉及楓糖。
鹹食組合則有鷹嘴豆醬、炒蛋、烤甜椒，甜品嘅選擇有焦香觀音芝士蛋糕、椰香紫薯豆奶凍，看口味都知道小店甚有心思，並非悶蛋菜式。
來到星期四至日餐牌選擇更多，午市及晚市備有湯、小食、主食及甜品、cocktail，而下午茶時段供應嘅輕食就與星期二嘅形式相似。看看主菜菜單，曾供應過嘅菜式有香煎菇菌羽衣番茄素乳酪 pesto 長通粉、泰式椰香紅咖啡烤蔬飯、火炙沙嗲豆皮串烤雙花，款式之多未能盡錄。
每日其中一款主菜會由客人自由定價，睇返以往嘅自由定價菜式，包括天貝腐竹柚子生薑燒蓋飯、椰香煙鷹豆茄子薑黃飯、西檸煎素鴨飯配清炒欖角四季豆，有趣又有心思嘅素食，你會覺得值幾錢？店內有一個角落放滿雜貨家品、本地品牌嘅醬料、刊物等，喺到可以靜靜 hea 足一個下午啊。
地址：深水埗大埔道 83 號
