鰂魚涌太古坊附近有間隱蔽嘅日本燒烤店「IBURI」剛開始試業，以雞肉作主打供應多款串燒及食事，位於華蘭路及海堤街交界嘅商廈角落。黑色框玻璃窗門面設計襯以紗布簾，門外廣闊空間放置綠色植物，氣氛仿似去到日本商業區嘅西日式餐廳。
餐廳現正為試業階段，特別選用本地新鮮三黃雞於備長炭串燒，雞肉新鮮之餘更有多個稀有部位，包括雞喉、雞橫隔膜、雞冠等．想一次過試勻多個不同部位，可以點選燒鳥 8 本 $528 或 12 本 $688，由廚師發辦揀選當日各種新鮮雞肉。除咗包括稀有部位，亦有雞軟骨、雞肉棒等常見款式。
另有必試嘅提燈（$98），被稱為串燒之中嘅珍品，其實係母雞嘅輸卵管、卵巢及未孵化嘅蛋，各個部位連接一起，可以食到濃郁雞蛋及肉質嘅味道，此部分刁鑽少有，建議提前預訂。
除咗串燒，各種雞肉料理也用心製作，「濃厚雞白湯拉麵」（$58）看似簡單卻花上心機時間，湯底用雞骨、雞腳熬製十小時。面層看似是木魚花嘅配料，其實係日本雞雞胸曬乾後再刨出嘅薄片，伴以溏心蛋及自家炸雞皮粒，每一口也滿是雞肉濃香滋味及不同質感。
「親子丼」（$58）用三種魚嘅本魚花煮製醬汁，味道層次豐富，加上橙黃鮮濃嘅「曉」日本蛋，將蛋黃汁拌着雞肉及飯粒吃，十分滿足。
雞肉以外還有多款選擇，宮崎黑毛和牛、豚肉、燒鰻魚等，選擇特色雞尾酒、清酒或 mocktail，更添微醺醉意。
地址：鰂魚涌華蘭路 25 號柏克大廈地下
營業時間：星期一至六 12pm-3pm、6pm-12am (last order 11pm)
