賀年糕點都可以做得色彩明亮！Little Bao 主理人、榮獲 2017 年亞洲最佳女廚嘅 May Chow，今年設計全新年糕「金沙南瓜糕」($298/盒)，金黃色調嚟自本地葫蘆南瓜及鹹蛋黃油，切開可見大大粒嘅鹹蛋黃，不但顏色搶眼，更有天然香甜嘅奶油及堅果香。混入日本乾貝、冬菇及香港老字號三興隆臘味及臘肉，鹹甜味十分平衡。
「大根蘿蔔糕」($278/盒) 也是今年新推出，大根蘿蔔以柚子皮煮過特別清香，同樣選用三興隆臘味及臘肉、日本乾貝、冬菇，另加入泰國生曬蝦米、龍舌蘭花蜜及海鹽，味道豐富又有層次。
去年推出嘅「大紅蘿蔔糕」($268/盒) 及「大紫芋頭糕」($278/盒)今年再度登場，呈紅色嘅蘿蔔糕色澤來自紅菜頭，而芋頭料嘅顏色則嚟自沖繩紫薯及芋頭，鮮艷嘅天然色調為節慶餐桌帶來更多喜悅感。
1 月 10 日起 Little Bao 同時加推農曆年限定新菜式，一向最多人打卡嘅甜點雪糕炸包有此新口味，「清酒雪糕、薑汁紅糟糖漿」($48)香脆包包夾着富有米香嘅清酒雪糕，糖漿顏色帶有節日氣氛及獨特紅糟滋味。
鹹味包包則有「紅米糟板燒雞包」($98)，慢煮嘅雞胸肉質細嫩，配以薑漬椰菜，帶來清新滋味。另有帶香辣味嘅「避風塘脆瓜」（$68），呢個農曆新年可以食得有趣有驚喜！
賀年糕點可於 www.little-bao.com 預訂，可由 1 月 10 日至 21 期間於 Little Bao 中環店或銅鑼灣店領取。
地址：中環善慶街 1-3 號地下
銅鑼灣京士登街 9 號 Fashion Walk 地下 H1 號舖
電話：2818 1280 / 2555 0600
