呢間喺錦田嘅 Café KACHIMUSHI 每到假日大排長龍，因為佢室內榻榻米設計配合室外庭園景致，喺香港可算係極為少見嘅 café 環境，就算地點相對偏遠依然吸引。
KACHIMUSHI 就喺錦田嘅主要馬路錦田路旁邊，喺錦田郵政局嘅斜對面，一座全白色兩層高嘅小屋，玻璃門窗用上木質窗框。門前長椅坐滿等候嘅客人，進入店內穿過走廊走到盡頭，仿似去咗日本一樣。
榻榻米座位、木製傢具，另有一扇玻璃大門可以望住鋪滿石春、放置日本庭園裝飾嘅後花園，客人可以隨意走到室內拍照或小休片刻，整個氣氛特別寧靜休閒，不過要留意，食物及飲品不能帶到室外。
而這 café 嘅食物亦有特色，備有香港甚少 café 會供應嘅芝士菜式包括「烤比爾芝士配吐司」（$68）將原個 Brie 焗至整個軟心，以芝士刀挑起芝士，熱辣辣又勁為軟滑，配以多士吃有多層口感。另有芝士拼盤，一次過可享用 3 款芝士、風乾火腿及配料。
甜品控更要試巴斯克芝士蛋糕，每日有不同款式，豆腐芝士蛋糕有特色，有輕盈軟滑嘅質感，而且口感不似原味般膩，而 Café 嘅招牌菜式就係 Dutch Baby Pancake（$78），有無花果、檸檬蛋黃醬、抹茶及紅豆、黃豆粉年糕等味。
不論食物或環境都如此有特色，排隊等候也值得，如想節省時間，榻榻米座位可於官方 IG 的連結預訂。留意用餐時間為 90 分鐘，並必須穿襪子才可入座啊。
地址：元朗錦田永隆圍 77 號地下
營業時間：10am – 6pm
電話：2721 0275
