銅鑼灣 city’super 內開咗一間全新嘅自家品牌餐廳「Iza’bis by city’super」，將日本居酒屋 (izakaya) 及歐陸酒館 (bistro) 概念融合，餐廳供應超過 150 款歐陸及日本菜式，而且佔盡食材優勢，大量高質食材由 city’super 嚴選搜羅自世界各地，同樣級數嘅食材菜式在此享用一定比其他餐廳更相宜。
首推 city’super 自家品牌嘅魚子醬，與法國百年歷史嘅品牌 Petrossian 合作，三款鱘魚魚子醬 ($568-$598/10g) 分別有 Baeri、Ossetra、Amursky，配以俄羅斯傳統迷你煎餅，並包括 200ml 嘅香檳一同享用，絕對物有所值。
時令海鮮也非常吸引，冰鎮海鮮塔有齊加拿大龍蝦、北海道鱈場蟹腳等，想暖笠笠可選「雜錦海鮮蒸煮盛合」($728)，廣島蠔、扇貝、加拿大銀鱈魚等放於日本造嘅木製四方盒內，淋上清酒及以昆布湯加熱，感受海鮮鮮味之餘更香郁。「廣島名物蒸蠔」（$188）每隻肉厚而且蒸得剛熟，保持質地細嫩多汁。
海鮮以外各類肉食也不能錯過，用上日本山形縣產乙女 A5 和牛。City’super 從山形縣山口畜產獨家採購，將此級數和牛製作成吉列 ($588)，可謂十分罕見，肉質油脂分佈均勻因此非常細嫩，另有 city’super 自家熟成嘅美國牛、澳洲黑毛和牛、澳洲有機草飼牛等。
想健康一點也有各式沙律及前菜選擇，值得留意同樣為自家品牌嘅博多屋豆腐，其豆製品變化成多款菜式，香濃綿密。
地址：銅鑼灣時代廣場B2 層 City’super
營業時間：11am – 10pm
電話：2917 7254
