銅鑼灣食街呢間新開嘅 Omakase「鮨政 X 大湖」，位處當眼嘅街角地舖，銅色嘅牆身及門面襯以木門十分亮眼，店內一張長形壽司枱僅 14 個座位，柔和燈光配上簡潔嘅淺木桌枱，滿有日式嘅幽靜與優雅氣氛。
餐廳供應不同價錢嘅 Omakase，最平嘅只需 $198 已可品嘗水雲藻物前菜以及八款海產炙燒壽司，另有 $298、$398、$498 嘅 Omakase，最貴嘅也不過是 $498，相比坊間其他日本餐廳價錢實惠得多。
$498 套餐有不少獨特菜式，由廚師按當造海鮮即席炮製，包括數款精緻前菜，煙燻嘅磯煮鮑魚、煎炸得香脆嘅甘鯛立鱗燒。刺身三款有生蝦、大拖羅、特丹蝦等視乎當日新鮮來貨，北海道生蠔以酸汁啫喱及柚子皮調味，十分清新。
接着有八款手握壽司，其中最獨特嘅創作為飄雪鵝肝吞拿魚壽司，以紅酒慢煮鵝肝 3 小時，再於負 70 度低溫冷藏至硬身，然後於吞拿魚赤身壽司上即席刨下鵝肝，幼細得入口即溶嘅鵝肝鋪滿吞拿魚之上，口感更 creamy 甘香。其他壽司款式包括甜蝦、深海池魚、藍旗金槍魚中腹等，均選用宮城縣嘅「一見鍾情米」，拌入自家調製嘅赤醋配方調味，啖啖鮮香芳郁。
清酒也是此店一大元素，選用已超過 350 歷史嘅大湖清酒，其出品連續多年於倫敦清酒比賽中被受賞最高榮譽嘅白金獎。凡惠顧 Omakase 即可以 $198 或 $298 加配清酒，以 4 至 6 款大湖清酒配對菜式，不論加配與否，這裏嘅 Omakase 也是 CP 值超高呢！
鮨政 X 大湖
地址：銅鑼灣京士頓街 9 號 Fashion Walk 地下 H2B 號舖
營業時間：12pm-3pm、6pm-10pm
電話：3108 2191
