Lady M 除咗千層蛋糕，其餘各款蛋糕你試勻未？今次推出嘅新蛋糕亦非千層款式，而係於香港首度亮相、美國總店嘅經典之一「焦糖鏡面慕絲蛋糕」！
光亮如鏡嘅焦糖面層造型優雅，不用多餘浮誇嘅裝飾已經十分誘人！兩層慕絲分別係焦糖及朱古力味，焦糖竟沒想像中甜，而朱古力慕絲質感特別滑溜，底層薄薄朱古力海棉蛋糕濕潤鬆軟，所有層次各有口感而味道十分平衡。
作為蛋糕控，一定要試埋其他美國總店嘅經典款式，香港由開店至今一直有供應嘅皇牌蛋糕仲有「法式芝士蛋糕」，面層加上酸忌廉，平衡忌廉芝士嘅甜度及膩口感。
「法式士多啤梨千層酥」以拿破崙酥片夾着海綿蛋糕、鮮忌廉及新鮮士多啤梨等不同層次，酥皮非常鬆化，滿有驚喜。「栗子蛋糕」選用法式杏仁蛋糕底，鋪滿法國栗子蓉並餘以烤烘過嘅核桃碎，充滿香甜堅果味亦有層次。
