深受文青及café愛好者歡迎嘅 Good Good，西營盤店去年結業時令人大歎可惜，好消息係今年原班團隊於淺水灣以全新品牌 Parabolica 重新開店，新品牌先以烘焙店登場，未來數月間將開設有座位嘅 café。
烘焙店位於面向海邊、空間感十足、有庭園風景嘅影灣園，走進店內右邊是烘焙工房，可見多位糕餅廚師專注製作麵包及蛋糕嘅過程。
另一邊係蛋糕甜品及麵包嘅陳列櫃，備有牛角包、朱古力牛角、牛奶吐司等基本款式，亦有多款獨特嘅創作，像不同口味嘅 Financier ($32/件)，有杏脯、煙燻車打芝士、白麵豉、開心果蜜糖等款式。
抹茶紅豆麻糬磅蛋糕 ($58) 富有層次，The Very Hungry Caterpilla ($52) 於長條形嘅麵包內分別夾有紅豆抹茶或焦糖燉蛋餡料。另有鹹味圓形麵包 Parabolica ($45)，有意大利青瓜、南瓜、蘑菇等配料。
甜品類有無花果芝士撻、士多啤梨海綿蛋糕、曲奇等，同時備有件裝及原個蛋糕預訂。烘焙店現有外賣咖啡及各款飲品供應，客人可購買後到影灣園中庭慢慢享用。
地址：淺水灣影灣園102及 103 號舖
營業時間：星期三至日 8am – 5pm、星期一及二休息
