來自曼谷、連續五年獲泰國米芝蓮推介嘅 Baan Phadthai，早前在將軍澳坑口開設香港第一家分店。餐廳有泰藉大廚坐鎮，主打正宗口味泰國菜，價錢親民，鍾意食泰國菜嘅將軍澳朋友，唔洗下下去到九龍城都可以食到啦！
Baan在泰文解House，連埋Phadthai，即係炒金邊粉之家，餐廳本身喺泰國已經相當受歡迎。第一家海外分店就係台北，上年加盟觀塘APM food court，今年就正式開設香港首家分店，泰國總店以藍色大門作招牌。新店亦跟隨其藍色色調，設計成環境輕鬆嘅餐廳。
顧名思義，主打菜式就當然係泰式炒金邊粉，依足總店用上18種秘製調味料等炒成，精選泰國”Sen Jan”高品質金邊粉，富米香入口彈牙，極具口感。餐廳一共有五款Phadthai，大推軟殼粉炒金邊粉（$128）炒出嚟香辣酸甜，非常惹味，配上原隻大大隻脆炸軟殻蟹，香酥可口。
超大碟無骨海南雞飯（$88）雞肉浸煮得夠嫩滑，泰式油飯煮得鬆軟而分店，唔怕會過油膩，充滿香料嘅香氣。
另推介嘅酸辣炸肉丸（$68）係富富東北風味嘅小食，豬肉丸用咗多款香料搓成，炸至外脆內軟，配以酸辣開胃嘅羅望子醬，令人忍唔住食完一粒又一粒。
其他泰國美食好似黃咖哩大蝦（$168）、冬蔭功湯（$138鍋）、燒豬頸肉沙律（$88），仲有大家最鍾意嘅芒果糯米飯（$58），都做得正宗美味，而且價錢唔貴，再加上舒適環境，係同區嘅好選擇呢！
地址：將軍澳坑口重華路8號東港城1樓187A及187B號舖
營業時間：11:30am – 9pm
