近年越來越人重視健康飲食，不論你奉行哪個 diet，都要留意營養資料，可惜會計算好及列明營養資料嘅餐廳不多。中環街市內嘅 café 餐廳 I-O-N 便推出全新嘅 Healthy Corner 餐牌，每道菜式標示卡路里之餘，亦有碳水化合物(C)、蛋白質(P)、脂肪(F)嘅參考值。
菜式分成四大類別。「均衡膳食」適合大部分無特別 diet 要求嘅人士，碳水化合物比例最高，其次為蛋白質，脂肪比例最低，像「虎蝦菠菜松子蘆筍青醬意大利粉」$198 (C:63 / P:33 / F19)，青醬味道清新香郁，蝦肉爽口彈牙。
第二類別為「素食之選」，推介「牛油果純素之士車厘茄酸種多士」$128 (C:72 / P:25 / F23)，多士烘得外脆內鬆軟，簡單嘅牛油果及車厘茄配搭，配上純素芝士給予 creamy 又濃郁嘅口感，伴以水耕菜沙律，多添清新滋味。
「低醣滋味」亦即 Low Carb，因為碳水化合物嘅比例很低，「自家製話梅紅菜頭醃三文魚」$128 (C:14 / P:17 / F:11)，三文魚以話梅醃過富有鹹香味，伴以秋葵蘋果水耕菜沙律，提供多種不同類型嘅蔬果。「卡真雞胸、牛油果、雜莓、藜麥水耕蔬菜沙律」$128 (C:35 / P:37 / F:32)沒有過份濃郁嘅調味，十分適合重視健康及健身人士。
最後一個類別是「生酮友善」嘅菜式，低碳高脂嘅菜式包括「蒜香牛油烤鱸魚配卡真烤雜菜」$238 (C:16 / P:33 / F:35)，魚肉吸收了蒜蓉牛油嘅甘膄油份。
Healthy Corner 餐牌於每日 3pm 後供應，即使下午時分也有分量十足及優質嘅菜式，迎合不同客人嘅需求，平日下午時段中環街市內也比較幽靜，適合靜靜享受休閒時光。
地址：中環街市 1 樓 124 號舖
