你無睇錯，真係 $298一球雪糕！呢間喺尖沙咀嘅 Gelato 意大利雪糕店 Dood Bottega Gelateria，店旁掛有一幅蔡瀾嘅字畫，寫上「多得意大利雪糕」，究竟此店有咩咁特別連蔡瀾都讚？
細看雪糕櫃有十數款口味，每款價錢不一樣，由 $59 嘅日本炭燒黑芝麻及意大利花之語牛奶，以至現時最貴嘅 $298 奈良古都華士多啤梨。其他受歡迎口味有西西里開心果（版本3.0）（$88）薄荷朱古力片（$128）、白蘭花氈酒日本靜岡皇室蜜瓜（$198）、馬來西亞 D197 頂級貓山王榴槤（$198）。
原來此店創辨人 Jackson 本從事廣告行業，後來決定轉行做自己鍾愛嘅雪糕，更遠走至意大利跟隨當地雪糕大師學藝，並堅持使用有 Gelato 界法拉利之稱嘅高級雪糕機，製成嘅 Gelato 特別軟滑綿密，光是設備嘅成本已比別人更高。
原材料方面 Jackson 亦有堅持，市面上大部分都會用已調好嘅雪糕底漿或半製成品，但 Jackson 用原材料開始全手工自家製作，更曾大膽宣稱香港只有他一家是 100% 全手工製。
因此食材嘅質素尤其重要，士多啤梨雪糕可以賣至 $298 一球，正因為用上近 $200 一份嘅日本古都華士多啤梨要做到天然濃郁嘅士多啤梨味，用料分量絕不能吝嗇。又例如薄荷朱古力片口味，用了新鮮薄荷葉之餘，更需逐片葉去梗以清除苦澀味，清新而直實嘅薄荷香味與別不同。
不少客人均說只要吃過此家嘅雪糕，都很難再吃別家嘅出品，看見雪糕店有不少熟客到來買雪糕就知沒有誇張，如果你自問係雪糕控，一定要試！
地址：尖沙咀 K11 Musea 地庫二層 B201-23 號舖
