請輸入關鍵詞開始搜尋
16 12 月, 2022

灣仔白調新 café! 專業甜品廚製作特色口味巴斯克芝士蛋糕/足料窩夫三文治

灣仔汕頭街有一家全新café t.w.i.g.,全白調嘅小店由出身自甜品名店嘅廚師坐鎮,製作甜品及蛋糕嘅技巧屬高級餐廳級數!

開設此店沒有過份花巧嘅甜品,反而揀選 café 常見嘅甜品款式,但簡單之中盡見心思。像巴斯克芝士蛋糕 ($58 起),芝士基調以不同濃度嘅忌廉芝士,以自家秘方調較,軟滑而芝士味非常突出。

除咗原味,另有特色嘅 Irish Coffee 及玄米茶味,前者加入威士忌製作,而玄米茶則是混製兩款茶底,令米香更富鮮香味。

芝士蛋糕以外有三層高嘅「忌廉海綿蛋糕」($68起),抹茶味以小山園抹茶製作,忌廉夾層有黑糖啫喱,口感與味道也十分豐富,其他款式像布丁、Lotus 窩夫也吸引。

甜品以外有窩夫三文治供應,「牛肉漢堡窩夫」($158)以鬆軟嘅窩夫夾着牛肉漢堡、煙肉、太陽蛋餡料,加上洋蔥及芝士、脆口薯條,作為午餐相當飽足,窩夫三文治還有手撕豬肉、三文魚等選擇。

打卡飲品則推介色彩明艷嘅熱情果蝶豆花,熱飲可選海鹽 Lotus 鮮奶,這裏店子小小但食物飲品均十分豐富呢!

地址:灣仔汕頭街 4 號地下 A2 號舖

Share This Article
No More Posts
[mc4wp_form id=""]