灣仔商廈及酒店林立嘅海旁一帶，有個空曠舒適、被綠葉包圍嘅花園，每到 lunch hour 不少上班族坐喺木椅吃個外賣午餐，比起到人多擠逼嘅餐廳更休閒！花園有一個小食亭位置，剛變身成一間 café 外賣店，係西環及九龍城已有分店嘅 Blossom 波甚咖啡！
Blossom 波甚咖啡早上 8 時開始供應早餐，有五款貝果包括奶醬、番茄烤芝士、煙三文魚、牛油果等。11:30 轉為主菜餐牌，雖然只得五款菜式，但種類有齊沙律、海鮮、素食、全素，用上天貝、糙米飯等健康食材配搭自家製醬汁，走健康路線之餘絕不悶蛋。
「魚蝦蟹・蓋飯」$68的糙米飯上蓋滿煙三文魚、蝦、蟹肉及蟹籽；「雞・豆蓋飯」$68慢煮雞胸、烤鷹嘴豆、車厘茄、沙律菜，兩款均是分量十足。
素食者嚟到會好開心，純素選擇「好鬼似擔擔肉燥蓋飯」$58，係擔擔調味嘅大豆，伴以烤豆腐、醃白蘿蔔、花生、糙米飯、沙律菜。素食有「天貝肉醬千層麵」$78，以翠玉瓜片製成嘅「千層麵」，加上滿滿嘅自家製番茄醬、三種芝士及天貝，即叫即焗熱辣辣，濃郁嘅滋味及口感都係滿分。
最後當然還有 Blossom 嘅招牌甜品，「提拉米蘇」$58當作飯後甜品或買回 office 當下午茶就perfect！飲品方面有多款咖啡及不同口味的 latte，亦有洛神花茶、烏龍泡茶等。
地址：灣仔港灣道花園
營業時間：星期一至五 8am – 5pm
