香港老餅店所剩無幾，真正由老師傅做嘅懷舊港式包點買少見少，已有 60 年歷史嘅錦田勝發餅家，老闆兼師傅已年過七十，依然堅持每日親自製作。
曾日賣過千個嘅忌廉筒、巨型蝴蝶酥均有口碑，因此每到假日定必人頭湧湧，尤其到咗下午時段，忌廉筒一盤接一盤出爐才剛好應付街坊及區外客人。
除咗人氣產品，農曆年之前更推出傳統賀年油器，常見嘅笑口棗、芝麻條之外，仲有賣相別緻嘅糖環，看起來環環相扣，需以特別模具製作，造型好看也有好意頭。主要成分為糯米粉及糖，炸起來口感香脆鬆化。
勝發餅家嘅老婆餅、車輪包也大受街坊歡迎，遠道去到錦田可以一次過入貨啊！
地址：元朗錦田公路 215A 號
營業時間：6am – 8pm
