嚟自東京嘅「なかめのてっぺん中目黑」，喺尖沙咀開設第一間海外分店。佢係當地極具人氣嘅爐端燒居酒屋，位置相當隱蔽，神秘感十足。
餐廳主要用咗胡桃木系裝潢，中央位置係設有開放式爐端燒吧枱，仲有魚生吧同主廚餐桌，客人一邊用餐，一邊見到廚師燒製美食，加埋超多清酒款式選擇，營造熱鬧氣氛。
食物方面，使用豊洲市場最大批發商山治供應嘅食材，一如日本居酒屋，由前菜、佐酒小食、刺身、爐端燒、一品料理，到甜品等都可以食到。
佐酒小食必點熱橄欖油明太子法包，熱辣辣用鑄鐵鍋奉上，將鹹香明太子塗在法包，超級惹味！其他爐端燒菜式仲有燒牛舌、鰻魚等，如果鍾意食魚嘅朋友，仲可以點返個原條喜知次！魚肉細嫩，油脂豐富，點柚子醋就最夾！
其他小食仲有蟹味噌甲羅燒，即席清酒煮蜆、和牛日式炒麵等，都係非常適合送酒！
地址：尖沙咀九龍酒店 B3 樓 B3-01 號舖
營業時間：12pm-3pm; 5:30pm-10:30pm
