新進駐銅鑼灣食街嘅 Calle Ocho 位地兩層高，外牆以藍白花磚及手繪壁畫展現西班牙風情，十分搶眼！
室內位地兩層並飾以傳統樂器、flamenco 風格畫作、家庭照及復古海報，日間可望見窗外大量樹木景致並充滿日光，晚上則有酒館般嘅輕鬆熱情氣氛。
餐牌則以 tapas 為主，$45 起就有得揀，小吃嘅分量，可以多叫幾款佐酒。地道嘅「西班牙炸丸子」（$55起/2件）分別有西班牙火腿、蘑菇、海蝦等餡料，同時有優質食材嘅選擇，絕對是豐儉由人。像「燒墨魚」（$160），由西班牙新鮮空運到港嘅墨魚，大隻而肉質新嫩。
「慢燉牛頰肉配南瓜椰子泥」（$160）牛肉嫩滑多汁，想吃分量大嘅主菜必選西班牙焗飯，特色口味有「傳統墨汁香辣魷魚焗飯」（$280），啖啖海鮮味。
最不能錯過係「Candela’s 曼徹格棉羊奶芝士蛋糕」，選用羊奶製作係地道做法，有真正嘅芝士鹹香，絕非一般忌廉芝士能媲美，配以熱情果醬能甜酸味道更平衡。
選擇一瓶二人分量嘅西班牙果酒 Sangria，可選紅酒或白酒，令這一頓飯更有氣氛。
地址：銅鑼灣加寧街 8 號
電話：2638 8895
