主打和牛加日式鍋物嘅 Hana 華小料理屋原來已經開業10年！餐廳特此推出4-6人用嘅一公斤銘柄日本和牛優惠，三款套餐為「花」、「松」、「竹」 由$2780起至$3280，湊夠朋友仔其實好抵食！
事關套餐內容極豐富，每份基本都會有季節前菜九點盛、刺身四點盛、蟹味噌甲羅燒、茶碗蒸、野菜拼盤、烏冬或御飯再加甜品拼盤。
三個餐分別只係在於和牛品種不同，除開價錢分別不大 必食$3280嘅「花」，一公斤嘅肉食包含佐賀A5和牛肉眼、牛青椒、大三角，仲有嚴選牛舌芯同埋熊本白豚，肉食獸見到大大盤肉已經流晒口水。
最滋味當然係壽喜燒食法，關西風食法在鍋塗上牛脂後放入牛肉煎至七成熟再加入醬汁，裹滿醬汁嘅牛肉再蘸點日本蛋，大滿足！想食得清淡啲，亦可選擇涮涮鍋食法。
地址：銅鑼灣登龍街 1-29 號金朝陽中心 2 期 Midtown 地下 C 舖
營業時間：12pm-3pm; 6pm-11pm
