發現尖沙咀漆咸圍有間新開小店植幕宵！紅色店面相當搶眼，原來係只有老闆一人打理，仲係處喺試業階段，所以供應嘅食物款式有限，但用心製作，誠意搭救。
主打有醬油蝦濃湯拉麵/$98，每碗拉麵都有以醬油汁漬過嘅海蝦，醬油汁甜中帶辛，仲有淡淡酒香。海蝦入晒味非常好好食，用大量蝦殼熬製嘅湯頭，仲加入攪碎嘅蝦肉，啖啖鮮香味濃縮喺一碗湯度，再灑上櫻花蝦，增加鹹香風味。
除咗蝦湯拉麵，現時仲有供應古早牛肉麵，一樣係花心機時間製作，老闆話遲啲仲會有醬油鮑魚拉麵，非常期待呢！
地址：尖沙咀漆咸圍5號
營業時間：11:30am – 10pm
