如果你鍾情炸雞，以下落嚟介紹就留祈唔好錯過！位於炮台山嘅拉麵店麵樂開業多年，由日本人主理主打北海道札幌拉麵，但更為人津津樂道嘅竟然係唐揚炸雞，事關實在做得太出色，唔少人都係為咗炸雞慕名而來。
一共四款嘅炸雞定食/ $120起，配上前菜、飯、沙律同麵豉湯，主要分別係有醬汁同冇醬汁。最多人點嘅分別係韃靼沙律醬同炸蒜辣油，重口味友必食炸蒜辣油，辣度適中過癮，蒜香令炸雞味道更豐富。
炸雞份量慷慨，而且大大件，用筷子夾起就已經feel到佢幾咁脆，一咬不負所望，卡嘞卡嘞聲，不過謹記小心辣嘴，因為炸雞係非常juicy 好食！
至於小店本身主打嘅拉麵/ $120 起，其實都做得相當不錯，係曾經一度喺香港盛行嘅札幌拉麵，使用北海道產西山製麵，推介正宗味噌風味再加牛油，牛油融化後混合湯底，令湯底變得更濃厚。
地址：北角英皇道163號中南大廈地下D舖
營業時間：12pm-3pm; 6pm-10:30pm 逢星期一休息
