NOC 再有新店！今次進駐啟德，以太空為設計主題，室內設計延續品牌簡約風，以坑紋鋁版、砂鋼等質材、弧線形狀，將店內用餐空間設計成太空艙門、火箭引擎等元素，塑造太空漫遊嘅感覺！兩面全落地玻璃窗透進日光，光線充足十分舒適。
食物方面有全新嘅菜式，新店限定嘅款式有「薯仔窩夫蟹肉沙律」($118)，窩夫主要以薯仔肉製作，外層香脆，食落有點似薯蓉，口感有趣，配以蟹肉沙侓、太陽蛋、牛油果，健康又豐富。
「蟹肉藜麥沙律」($138) 也是另一健康之選，藜麥混以自製檸檬汁十分清新。嗜肉嘅話可揀「安格斯牛肉漢堡」($128)，碳烤安格斯牛肉配以芝士、牛油果蓉、醃紅洋蔥、無花果等，啖啖肉汁又有多種配料嘅層次。
新推嘅飲品亦以清新為主軸，以檸檬梳打混以煎菜，與多款菜式也配搭得宜。
地址：啟德The Henley, Retail Block 2 地下及一樓
