相信大家都有見過呢一架古色古香嘅帆船喺維港揚帆，此船命為「Aqua luna 張保仔」，可接受不同類型嘅 event 包船，看來特別適合遊客，其實作為本地遊都好 chill！
尤其於中午定時出航嘅「點心航遊」(成人 $399, 小童 $299)，每逢星期二至日 1pm-2:30pm，1pm 喺中環 9 號碼頭出發，前往鯉魚門再回程到中環。
期間為每位客人奉上由金鍾高級中菜廳 Dim Sum Library 每日新鮮製作嘅點心套餐，兩層嘅點心以船形盒子盛着，款式包括黑松露蝦餃、水晶蝦餃、黑蒜燒賣、紅菜頭菌餸、叉燒包、黑椒和牛酥、蟹肉春卷、瑤柱蛋白炒飯、酥皮蛋撻，不乏矜貴食材。
每位客人包含一杯汽水，只須加 $130 便可升級至 Moet & Chandon 細瓶香檳一支。吹着海風、近距離欣賞維港景，一邊食地道蛋撻一邊飲香檳，呢個體驗十分舒適！週末出航一趟當作 brunch，仲可以喺船上不同位置與角度打卡，性價比很高呢！
