鍾意食日本麵包嘅你，而家唔一定飛到日本先食到！太古城中心food court Carnival 入面嘅PAN Festival，就有嚟自日本嘅百年老店神戸屋レストラン嘅麵包。
自1918年起開業，係去大阪旅行嘅必食之一，跟足傳統唔會加入乳化劑同添加物。為咗等大家食返日本一樣味道，特別從日本神戶屋直飛半製成麵團，嚟到香港店先發烤、焗製，保證麵包新鮮出爐！
必食北海道十勝紅豆包、吉士卷、法式酥皮方磚等，甜麵包味道唔會過甜，剛剛好，鹹麵包亦十分出色 包括煙肉洋蔥包、香腸包等。日本麵包鬆軟濕潤，口味多變，實在係食極都唔厭！
地址：太古城路太古城中心二樓255號舖
營業時間：11am-9pm
