可能係最多玫瑰最粉紅嘅餐廳！素食餐廳JAJA嘅室內設計成鋪天蓋地嘅粉紅色，而且有多個充滿少女味嘅打卡位，特大個可以整個人企入去嘅夾公仔機、巨型啤啤熊等。
其中最受歡迎嘅座位更有鑲滿玫瑰花嘅餐桌，每一道菜式上桌也像是由玫瑰花盛着，在此度過情人節，一定哄得另一半滿心歡喜。
餐廳推出嘅情人節限定晚餐，每位客人可自選前菜、主菜及甜品，以紅色、粉紅色及心形作主題。前菜有「藜麥牛油果番茄莎莎」，三個色彩豐富嘅層次砌成心心形，面層飾以芝士脆片增加口感，另一款前菜為「香橙西柚紅菜頭沙律」。紅菜頭切成心形，而整道菜式色彩艷麗，令人心情大好。
主菜選擇包括「意大利芝士雲吞」，粉紅色嘅心形雲吞伴着香草奶油汁，口感滑溜。還有「粉紅彩霞意大利飯」、「心芝薄餅」兩款選擇，雖用上素菜食材，但分量可不少。
甜品二人可選一款，分量可不少足夠一同分享甜蜜，「朱古力火鍋」伴以心形士多啤梨、馬卡龍等，每一口也是暖笠笠。「情書可麗餅」以薄身班戟包裹朱古力內餡，甜蜜滿載。套餐包括情人節特色雞尾酒，以玫瑰花造型嘅高腳杯造型登場，為你嘅情人節餐桌更添浪漫氣氛。
如果想要鑲滿玫瑰花嘅餐桌座位，要提早預訂啊！
情人節限定晚餐 (兩位起)
2 月 10 日至 19 日晚上供應
星期一至四 $388/位
星期五至日及 2 月 14 日晚 $488/位
於 Mira eShop 預訂可免加一服務費，如預訂星期一至四可享 $100 折扣優惠 (2 月 14 日除外)
地址：灣仔香港藝術中心 6 樓
營業時間：11:30am – 10pm
電話：6698 6194
