新意大利餐廳 Vista 進駐北京道一號頂層 Aqua 舊址，兩層高嘅三面玻璃窗俯瞰維港景色，將香港嘅城市山景、海岸金光色彩飽覽無遺。每張餐枱均可望住這無敵景色，餐廳最近推出週末 Brunch，可以話係尖沙咀區最靚景嘅早午餐！
有靚景之餘食物也是選擇多而用料優質，每枱客人先有一份海鮮拼盤，啖啖肉大大隻嘅龍蝦、海蝦、青口、蜆等，另有一個自助餐區，有多款靚芝士、煙三文魚、火腿、沙律等，更有熱辣辣出爐嘅pizza。
Live station 有廚師即席製作意粉，在大大個芝士內混製意粉後刨上黑松露片，亦有即切嘅肉類，光是以上任食類別已足夠飽肚滿足。
主菜每位客人可選一款，烤雞、燉海鮮、南瓜意大利飯、Gnocchi 等，最後奉上甜品拼盤，有餐廳招牌嘅 tiramisu，大滿足！
這個無敵靚景加超多海鮮美食嘅 brunch，如果不加飲品 free flow，每位成人 $688、小童 $488，每位成人任飲 Prosecco $888 、任飲香檳 $988 起，任飲為兩個半小時，已包括紅白酒、啤酒、茶及咖啡。
地址：尖沙咀北京道一號 29 及 30 樓
