等咗 3 年終於可以再去台灣！辦台證資訊及抵達台南方法可拉到最底，安排台灣旅行好多人都會揀台北，但如果你係一個喜歡咖啡店、個性小店、老房子、吃古早味美食嘅文青，台南會更適合你，而且飛高雄只需一個小時，來一趟快閃旅行非常划算！
台南本來就係台灣人嘅週末遊熱點，打卡 café、地道小店多到不能盡錄，而最新最紅嘅人氣熱點必數「南埕衖事」，由著名日本建築師將老飯店改建設計，置於市中心地段，剛落成之時引起好大注目！各城市嘅網紅、媒體都趕去打卡、報導，邊個會諗到 8 層高裝修得高雅有格調嘅大樓，就只賣雪糕！
呢到分成兩座大樓，一邊 8 層高大樓是以雪糕店為主嘅 「A 區 南埕衖事」，地面為大堂及購票處，進入 A 區需購票然後金額可用於餐飲消費。然後由 2 樓至 8 樓全是餐飲堂食嘅空間，每一層都有十足採光度，以像泥土紅色嘅調子為主，襯托籐椅、木桌、弧形牆壁。
5 樓開始有滿佈植物嘅室外空間，更多點大自然氣息，點餐嘅櫃枱及雪糕櫃設於 2 樓及 4 樓，必試福源花生味以及用台灣土產水果製作嘅草莓、芭樂等，質感極為綿密軟滑，配上黑色扇形嘅威化餅乾更添口感。
另有少量蛋糕甜點，瑪德蓮、scone 等也有，呢到另一特點係客人可隨意移動調枱，亦沒有限時，每一層至少有 50 個座位，可以喺到慢慢逛、搵心水打卡位、隨意拍照。
另一邊大樓是「B 區 衖 Lòng Stairs」，由日本國際建築大師藤本壯介設計，以弄巷為靈感，將白色樓梯於灰泥牆之間重疊交錯，置身其中向上向下望就是一個垂直嘅弄巷，進入此區參觀拍照也需於大堂購買門票。建議揀選中午前嘅時段，會有陽光從大樓前面照進樓梯，影相打卡更靚。
南埕衖事
A 區門票：新台幣 200 元，當中 150 元可用於餐飲及零售消費
B 區門票：新台幣 150，一小時體驗
@tn_long_story
📍台南市中西區中正路 38、40 號間巷底
⏰ 10am-7pm
🌐 www.longstory.com.tw
辦理台證連結：https://coa.immigration.gov.tw/coa-frontend/overseas-honk-macao
官方表示如資料齊備，需大約 5 個工作天審批，但有機會更短時間內便可辦妥。不過現今網上辦台證需要遞交較多資料，包括符合規格的證件圖片，提早申請更穩妥。
台南暫時沒有直航機，香港可選飛高雄，抵撻後乘捷運到「高雄車站」，然後轉乘台鐵 (即火車) 到台南火車站，一個半小時左右便到達。
