香港著名寵物用品及美容品牌 Whiskers N Paws，聯乘 Cupping Room Coffee Roasters 打造香港少有嘅寵物美容 café Cups N Paws！進駐 The LOHAS 康城，佔地 2500 平方呎嘅舖位，以人寵共融嘅理念供應一站式購物、餐飲及寵物美容服務。
整個 Café 範圍內寵物可以放繩隨意走動，兩個入口均有安全的玻璃門阻隔，唔怕寵物走失。餐牌方面有由 Cupping Room 出品嘅鮮果燕麥、酸種麵包吐司、西多士、漢堡包等，飲品類別與一般咖啡店無異。
另有狗仔專屬餐單，均是無添加防腐劑、化學劑、人造色素及填料。開心太空餐（$108）包括炸雞肉、以動物肝製作嘅朱古力曲奇及零食，另外可自選南瓜雞肉、薯仔牛肉或三文魚蘑菇，各類狗仔小食仲有太空冬甩（$68）、太空狗狗雪糕（$38）等。
店內以太空船為設計主題，餐飲元素以外最吸引係打造成太空船艙嘅美容服務，狗隻在梳洗、美容後會經由太空船隧道回到 café，兩旁燈光及音樂效果配合狗狗愉快心情，主人更可用店內提供嘅即影即有相機拍下狗狗美容後嘅打卡照。
最後當然唔少得為寵物 shopping，一系列全天然零食、玩具、wellness 產品，襯住周末帶埋狗隻去玩下喇。
地址：將軍澳唐城路 1 號 The LOHAS 康城 3 樓 358 號
營業時間：10am – 8:30pm, 咖啡店及美容服務至 7pm
電話：2552 6200
