日本福岡過江龍燒肉店 USHIO 推出指定午市定食優惠，「特上和牛肉眼定食」由 $588 減至 $388，每日只限定十份！
套餐亮點當然日本和牛，香港店沿用總店嘅鹿兒島新村和牛，此牛曾獲「日本全國和牛大賽」至高榮譽大獎，於烤爐上燒至油香甘腴，伴着白飯吃啖啖肉香。
定食還包括沙律、小吃、雜菜、湯品，呢個定食優惠很受中環區外食一族歡迎，唔少客人都提早預訂，想吃記得訂枱時先 order。
另一款午市定食「赤身和牛燒肉丼定食」亦由 $328 減至 $188，和牛燒肉丼伴以溫泉蛋，十分香郁 juicy。午市仲有各款定食 由 $188 起，除咗各款日本、澳洲和牛，仲有鹿兒島黑豚肉、和牛漢堡扒、石鍋拌飯等。
想豐盛一點必選午市及晚市也有供應嘅 tasting menu，$788 可試到和牛西冷燒壽喜，稀有部位四款（鹽燒及醬燒），雞腿肉、黑豚腩肉、咖喱和牛飯，另有伴菜盛合、沙律、甜品。
全日嘅散點款式也多元化，意式赤身和牛配 USHIO 自家 label 嘅魚子醬，和牛海膽手卷等，不論 lunch 或 dinner 嚟都吃得豐富滿足！
地址：中環威靈頓街 2-8 號威靈頓廣場地下
營業時間：12pm-3pm、6pm-10:30pm
