雪糕控要 save 低！呢間喺荃灣新開嘅雪糕店「Gelato Combo」，兩個雪櫃放滿顏色繽紛嘅雪糕，光看已讓眼睛大飽一餐！
新店由兩位喜歡吃雪糕嘅女生創立，因為是二人同心合力創辦嘅品牌，是以命名為 Combo，同時也希望推出多款雪糕口味，讓客人組合自己喜歡嘅味道 combo！
雪糕由意大利籍嘅雪糕師製作，經過多次試味及調整，將甜度、質感都做到滿意才推出。現時每日口味款式最少 18 款，最多可達 24 款，視乎當日供應情況而定。剛開店已不斷研發推出新口味，剛面世嘅口味包括淺粉紅色嘅番石榴，果甜味天然獨特，牛奶基調配襯紅豆、黑芝麻味也是新增口味。
如果喜歡清新嘅水果味，推介柑橘、芒果，偏向 nutty 及濃郁滋味嘅話，開心果、特濃嘅朱古力、榛子、金莎、泡沫牛奶咖啡也必定滿意，而且質感更為 creamy 滑溜。
雪糕可選威化筒或杯裝，$45/一球、$55/兩球、$65/三球，不用多講都知揀選三款口味最抵食，而且舀滿大大杯分量很大。如果食完仲未夠，可以購買筒裝，如路程遙遠或需自備保溫袋，建議預先訂購及致電查詢詳情呢。
地址：荃灣海之戀商場 2 樓 2026 號舖
營業時間：星期一至五 1pm-10pm、星期六、日及公眾假期 12pm-10pm
電話：6295 3450
