Cupping Room 最新分店剛進駐屯門 V city，開業首兩星期推出多項買一送一優惠，可以睇到最後有優惠詳情！
新店有室內及自然採光兩個區域，沙發座位、偌大玻璃窗尤其舒適，食物以招牌意粉作主打，並有此店獨家推出嘅法式可麗餅 (crepe)，鹹、甜味道也有而且有多款特色口味。
「Cupping Room提拉米蘇配冷萃咖啡果凍法式可麗餅」（$138）薄身而煙韌嘅可麗餅，配搭分量十足嘅忌廉、手指餅，伴以 Cupping Room 冷萃咖啡製成嘅果凍粒，最後撒上可可粒，係 tiramisu 嘅完美變奏。甜味可麗餅仲有楊枝甘露、肉桂蘋果甘寶等。
鹹味推介「慢煮手撕豬腩肉配水波蛋法式可麗餅」（$118），慢煮至軟腍嘅豬腩肉，與水波蛋嘅蛋汁混合一起吃，多汁又富有蛋香。「雙重紅蝦沙律法式可麗餅」（$138）有多隻紅蝦啖啖鮮味，伴着櫻花蝦更加香郁。
意粉嘅口味配搭也別具心思，「泰式香辣忌廉炸軟殼蟹」（$162）忌廉汁融合香茅等泰式風味，軟殼蟹原隻炸至金黃香脆。
甜品控仲要留意蛋糕櫃，多款件裝蛋糕、甜品，包括一人分量嘅原個芝士蛋糕、杯裝 tiramisu、焙茶 roll cake 等，配上咖啡或特飲便是完美，品牌亦有多款咖啡產品包括咖啡豆、掛耳包等，回到家中也可延續咖啡體驗。
為慶祝新店開幕，Cupping Room 推出以下買一送一優惠：
-由2023年2月6日至10日期間，凡於 V city 新店惠顧堂食意粉，可享買一送一優惠。
-由2023年2月13日至17日期間下午5時30分後，凡於 V city 新店惠顧堂食法式可麗餅，可享買一送一優惠。
-由2023年2月6日至19日期間，以會員電子卡於V city新店惠顧咖啡或飲品乙杯，可享買一送一，優惠無需即時兌換，客人可留待下次於任何Cupping Room分店免費換取。
地址：屯門 V city 地下 G-13 及 G-15 號舖
營業時間：2 月 5 日至 2 月 12 日 – 早上10時正至晚上7時正
2 月 13 日起營業時間：
星期一至五 – 早上 10時正至晚上10時正 (最後點餐時間為晚上 9時半)
星期六及日 – 早上9時正至晚上10時正 (最後點餐時間為晚上 9時半)
