泰國名氣甜品店 After You 推出多款造型打卡嘅新甜品，包括暖笠笠嘅朱古力蜜糖吐司 ($128)，朱古力係全新口味，香脆嘅吐司面層塗滿朱古力醬，伴以新鮮士多啤梨或香蕉。冬日期間特別加上可食用嘅立體聖誕樹裝飾，不論哪個角度影相都充滿氣氛。
曲奇控不可錯過 Santa Cookie ($68)，巨型嘅朱古力曲奇有超濃郁的熱融朱古力，伴以雲呢拿雪糕吃，又暖又冰涼嘅口感十分過癮。
如果想為派對增添美味，或外帶更多甜蜜滋味回家，推介聖誕節杯子蛋糕（$45/個），分別有紅絲絨、甘筍及香蕉三款口味，迷你小巧並綴以可食用嘅雪人、聖誕樹及雪花裝飾。
飲品同樣夠晒打卡，杯套用上立體聖誕樹設計，另有冬日限定嘅熱飲 Chai Latte，以印度香料茶作基調，混以鮮奶口感順滑。
鍾情刨冰嘅話有最近新推出嘅雙色刨冰（$128），將好立克與美祿粉撒於牛奶冰底之上，內藏麥提莎朱古力，再淋上美祿奶醬，係兒時嘅味道，整體沒有太甜，一個人輕易吃掉一整個。
地址：銅鑼灣登龍街 52 號地下
營業時間：12nn-10:30pm，星期五、六及公眾假期前夕至 11pm
