開設於西環山道小巷內嘅 G’Day Café,開設晚市後供應一系列帶有澳式風味嘅菜式,用上新鮮嘅食材、海鮮炮製出賣相優雅嘅多國菜。身兼老闆及主廚嘅 Yen 堅持自家製作及烹調,出品比一般Café 更有驚喜。
餐廳現正推出生日限定優惠,凡於生日前三日至後三日期間,三人同人惠顧即送一份濕式熟成美國肉眼扒!烤美國濕式熟成肉眼牛扒($278)肉質 juicy 軟腍而且分量足足有 10 安士,最驚喜係配菜嘅薯條,用上鴨油炸特別甘腴香脆。
涼拌八爪魚配醃墨西哥辣椒($128)的冰鎮八爪魚肉質爽嫩,醬汁是自家製嘅青檸菠菜汁,加入乾蔥及松子仁味道及口感也有提升。
最後來一份自家製嘅巴斯克芝士蛋糕($60),細滑嘅芝士蛋糕配上淋醬,此晚餐十分完滿!
地址:西環山道48-52號南昌大廈地下
營業時間:星期二至五 11am-10pm、星期六及日 10am-10pm