深夜睇世界盃特別口痕，食住香口惹味嘅零食睇波仲特別滋味，推介以下幾款令人食唔停嘅深宵零食！
卡樂B 剛推出三款激量裝，有全新推出嘅茄汁味、蜜糖烤雞翼味，仲有大熱口味蜂蜜牛油味都特別推出激量裝，茄汁酸酸甜甜，蜜糖雞翼有種燒雞翼嘅風味，蜂蜜牛油仲加入意大利芝士作調味，鹹甜香味越食越肚餓。為慶祝世界盃，卡樂B同時舉行大抽獎，即日起至 12月 22 日購買卡樂B產品滿 $45，即有機會贏取智能手表一隻。
嚟自泰國嘅刨冰甜品名店 After You都有一系列泰國直送嘅自家小食，香港開店以嚟最受歡迎嘅麵包脆粒，有牛油味又有鹹蛋黃味，滿佈鹹蛋黃碎及微辣滋味，最近更推出洋蔥酸忌廉味，配一杯啤杯睇波吃大滿足！
網店 Dragon Pot 新推出嘅堅果口味特別而且超足料，「青檸烤魚」一打開有清酸香味，「麻辣雞煲」有香郁辣味，「咖喱肉鬆」混入超多肉鬆。堅果粒被滿滿嘅調味包裹着，每一款都香甜惹味。店家只限量推出 100 套，每套有齊三款 $289，睇波必食啊。
