灣仔星街嘅 café 小店 COFF 於 10 月時已結業，當時店內嘅 daily cake 蛋糕很受歡迎，尤其加上一層超厚忌廉嘅巴斯克芝士蛋糕。
店主於咖啡店結業後索性轉型做蛋糕網店Coffee Cake or Me ，由於從前嘅 daily cake 款式不少，11 月開設第一彈團購時推出 7 件裝芝士蛋糕，可以一次過試勻以往最受喜愛嘅味道：開心果脆脆巴斯克芝士蛋糕、提拉米蘇巴斯克芝士蛋糕、焦糖餅芝士蛋糕、大甲芋泥巴斯克芝士蛋糕、藍莓金寶脆脆芝士蛋糕、蘋果金寶脆脆之士蛋糕、紐約芝士蛋糕。
除咗經典嘅紐約芝士蛋糕，每一款都有芝士蛋糕以外更多嘅層次，好似開心果及提拉米蘇味，加上一層厚身又軟滑嘅 mascarpone 忌廉。開心果更撒滿開心果脆粒，大甲芋泥嘅芝士蛋糕做得特別滑溜，而蘋果及藍莓味金寶十分足料，可以食到啖啖香甜果肉。
一set 7 件 $330，不過 11 月嘅團購已經滿額，要留意注店家公佈 12 月團購嘅日子喇！
