半山摩羅廟街寂靜嘅一個角落，近日開了一間新 café，黑色主調、灰泥元素，名字為 Double Black，取自於滑雪賽道嘅高難度路段，店內飾以滑雪板、單車等，都係店主個人喜好嘅運動元素。
咖啡店雖然只開店兩日，但已很受附近居民及咖啡愛好者歡迎，因為開揚偌大嘅窗戶座位，可以畀毛孩隨意走動，十分休閒寫意。
而且餐牌上食物選擇很多，早餐有不同口味嘅 scone，原味牛角包及夾有餡料嘅，午市選擇有酸種吐司，烤大啡菇伴 burrata 芝士吐司（$108），酸種吐司烤得香烤，伴以大量蔬菜。
另有近十款前菜、意粉及飯、漢堡等，推介香烤大蝦意粉（$128）、帶子墨魚汁意大利飯（$148）、炸雞漢堡配番薯條（$128）等。到了下午時段又有小食餐牌，芝士拉絲嘅炸意大利波波、造型有趣嘅蝦春卷。
蛋糕款式每日有3-4 款，超軟滑軟心嘅 tiramisu 芝士蛋糕、焦糖脆脆天使蛋糕卷等等，而飲品有意式咖啡、手沖咖啡以及 Heroes 手工啤酒。
店子雖小但食物是意想不到嘅豐富，而且水準頗高。價錢於半山區嚟講亦屬合理，不論你有冇毛孩寵物，都值得花時間嚟享受清靜嘅休閒時光。
地址：半山摩羅廟街 26 號
營業時間：9am-6pm
