於灣仔主打以色列特拉維夫地道美食嘅FRANCIS，最新於中環蘇豪插旗開設新店FRANCIS west，餐廳一向深受歡迎又有水準。今次就用北非馬格里布地區（Maghreb）作主題，食嘅係獨特香料的煙熏風味菜式，唔好以為會食唔慣中東菜，其實一樣好易入口，仲好適合一班朋友share，飲杯chill下。
餐廳向街一面用上開放式設計，環境舒適開揚，臨近週末一街非常熱鬧，充滿氣氛。
必食摩洛哥石板烘焙薄餅麵包（$110），熱辣辣出爐彌漫小麥幽香，配上鷹嘴豆泥同摩洛哥番茄醬、芝麻醬，開胃惹味。
一口一件嘅檸檬汁醃青口多士（$120）多士鋪上番茄粒，酸酸味味。另推介香烤墨魚配哈里薩辣醬（$180）墨魚惹味又軟嫩，辣辣地好過癮。
地址：中環卑利街 42 & 44 號中發大廈地下
營業時間：5pm-11pm
